章魚YOYO

來左就4個月la，一諗到要離開這裡，就好唔捨得。喊左幾次，始終都係要走，由一開始入來，咩都唔識，個個都話我無禮貌。到今日，她們話我變左好多，其實我真係一啲都唔知，但係個個都話有。由一開始的不認識，到現在的唔捨得，經歷過的，我都會放係心裏面，因為你們幫左我好多，啱啱入來的時候去camp，我乜都唔識，你地體諒我﹔我態度語氣唔好，你們同我講﹔我唔識做家務，你地幫我﹔我唔開心，你地安慰我﹔我做錯野，你地原諒我。四個月的時間，話長唔長，話短唔短，但是卻學識了很多，每一次我需要人幫，你地都會幫，有陣時，你地會鬧我，笑我。其實我想講，我好唔開心，但係我無講，因為我知，我講來都無用，你地鬧我係想我做好，我好記得有一次，有人話我抹雪櫃慢，我記得，我真係有喊，所以我好驚大洗做大廳，所以我之後都無做過抹雪櫃。有一次我地去做義工，因為唔想拎咁多野，所以叫左人幫我拎，活動完左之後，我要去學琴，所以唔跟其他人番家舍，結果我落車先記得，我打電話同她們講，當我行到她們等我的地方嗰陣，我已經知道我唔可以再犯。就因為家舍的這些小事，令我入左來之後改變左。

最後就係要多謝的人，第一個係阿Ho，多謝你建立左這一個家舍，幫左咁多無家可歸的女仔，幫我們搞左咁多活動，又帶我們去好多地方見識，真係好多謝你。我會番來探你架第二個就係Elf，好多謝你，係我困難時幫我，聽我講心事，倍我渡過難關，其他在心中Ｉwill miss you ga! 第三個就係阿晴同阿青，多謝你地聽我講心事，又叫我減肥（我會架）如果關愛日番到來一定來，miss you!　第四個就係家長們啦，多謝你地悉心咁照顧我地、體諒和提醒我地，我一定會乖乖架。第五就係舍員們啦，多謝你地好多好多，數之不盡，無論如何都一定會記得你地架，希望你地都會記得我啦。